OUTROS MUIÑOS

MUÍÑO DE TEIGUÍN

Este muíño atópase no concello de Samos, na parroquia de Pascais ao lado da ponte de Teiguín.

Está situado na beira esquerda do río Sarria, feito en cachotería de xisto, con engadidos de formigón e ladrillo. O teitume en carpintería de madeira e losa de xisto. O caudal é conducido por unha canle dende unha ceña a uns 100 metros ata as entradas aos canleiros, protexidas por trabes de ferro. Xusto antes da chegada ao muíño, hai unha pontella de formigón.

O seu antigo propietario era José Sánchez pero faleceu e actualmente o muiño esta a nome da súa sobriña Benigna Sánchez.